Վաղարշապատի Մեսրոպ Մաշտոցի անվան թիվ 1 հիմնական դպրոցը՝ ի թիվս հանրապետության այլ դպրոցների հնչեցրեց դպրոցական առաջին զանգը, որն ազդարարեց ուստարվա մեկնարկը, գիտելիքի և դպրության օրը:
Տնօրեն Կ. Հովակիմյանը ընթերցեց Ն. Ս. Օ. Տ. Տ Գարեգին Բ ամենայն հայոց կաթողիկոսի, Արմավիրի մարզպետ Ա. Ղահրամանյանի, Էջմիածնի քաղաքապետ Կ. Գրիգորյանի, ԵԿՄ վարչության նախագահ, Արցախի հերոս զորավար Մանվել Գրիգորյանի ուղերձները:
Կարինե Հովակիմյանը ջերմորեն շնորհավորեց մանկավարժներին, աշակերտներին և ծնողներին օրվա առիթով: Նա նշեց, որ ՀՀ ԿԳՆ նախաձեռնել է լայնածավալ բարեփոխումների ծրագիր, նա վստահեցրեց, որ ուստարին կլինի բեկումնային գիտելիքների վերաարժևորման, ինչպես նաև ուսուցչի հեղինակության և հասարակական գնահատման առումով: