Ապրիլի 1-ից մայիսի 31-ն «Ակտիվ երիտասարդ քաղաքացիների նախաձեռնություն» ՀԿ-ն Երևանի քաղաքապետին կից երիտասարդության հարցերի խորհրդի աջակցությամբ իրականացրեց «Էկո սերունդ» երիտասարդական բնապահպանական ծրագրի 2-րդ փուլը:
Ծրագրի շրջանակում բաց հայտարարության միջոցով հավաքագրվեց 20 երիտասարդ, ովքեր անցնելով համապատասխան վերապատրաստում, Երևանի 5 դպրոցներում իրականացրեցին դասընթացներ, որոնք բաղկացած էին տեսական և գործնական դասերից:
Մայիսի 31-ին Երևանի քաղաքային ջերմատանը տեղի ունեցավ «Էկո Սերունդ» ծրագրի ամփոփիչ հանդիպումը՝ «Էկո ցուցահանդեսը», որտեղ ներկայացված էին ծրագրի մասնակից բոլոր հինգ դպրոցների աշակերտների ձեռքի աշխատանքները և բնապահպանական թեմայով նկարները:
Ծրագրի իրականացմանն աջակցել են՝
-Երևանի քաղաքապետարանի աշխատակազմի սպորտի և երիտասարդության հարցերի բաժինը,
-Երևանի քաղաքապետարանի աշխատակազմի հանրակրթության վարչությունը,
-Երևանի քաղաքապետարանի աշխատակազմի բնապահպանության վարչությունը:
Ծրագրի մասին ավելի մանրամասն՝
https://www.facebook.com/ecoserund/?fref=ts #Երիտասարդությանհարցերիխորհուրդ #ԱԵՔՆ#Էկոսերունդ
