Դեկտեմբերի 10-ին Աբովյան քաղաքի Սուրբ Ստեփանոս հոգևոր-մշակութայաին կենտրոնը լի էր հյուրերով և ծնողական համայնքի ներկայացուցիցչներով: Կենտրոնում Կոտայքի թեմի առաջնորդ Առաքել արք. Քարամյանի բարձր հովհանու ներքո, Աբովյան քաղաքի Սուրբ Ստեփանոս եկեղեցու հոգևոր հովիվ Տեր Մաշտոց քահանա Բաբայանի գլխավորությամբ և Գրիգորյանների ընտանիքի հովհաննավորությամբ կազմակերպվել էր հերթական միջոցառումը՝ ՙ «Ամուր հայրենիք, ամուր բանակ, ամուր հավատ» խորագրով: Միջոցառմանը ներկա էին Հայաստանի Հանրապետության Զինված Ուժերի Երևանի կայազորի գլխավոր պատասխանատու Տեր Ենովք քահանա Եսայանը, զինվորներ, զինվորական բարձրաստիճան պաշտոնյաներ և այլ պատվավոր հյուրեր:
Միջոցառման ընթացքում կենտրոնի Ավետիս թատերախումբը (գեղ. Ղեկավար Ս. Օհանյան) հանդիսատեսի դատին հանձնեց հայրենասիրությանը նվիրված մի փոքրիկ բեմադրություն: Արդվին ֆոլկը հանդիսատեսին ներկայացրեց ազգագրական և հայրենասիրական երգեր ու պարեր: Միջոցառմանը իրենց ելույթներով հանդես եկան նաև Աբովյան քաղաքի Վ. Համբարձումյանի անվան թիվ 10 հիմնական դպրոցի աշակերտները:
