Հայաստանի ազգային հավաքականի և Դորտմունդի «Բորուսիա» -ի կիսապաշտպան Հենրիխ Մխիթարյանը շատ մոտ է «Մանչեսթր Յունայթեդ» -ի հետ պայմանագիր կնքելուն։ Ակումբը համաձայն է ձեռք բերել Հենրիխին՝ 26, 3 մլն ֆունտ սթերլինգով։ Այս մասին գրում է «SkySports» -ը՝ հղում անելով անձնական աղբյուրներին։ Աղբյուրը նշում է, որ Մխիթարյանն ակումբի հետ համաձայնացրել է պայմանագրի կետերը և հաջորդ շաբաթ բուժզննում կանցնի։ Գերմանական մամուլն, իր հերթին, գրում է, որ Մխիթարյանը 4 տարվա պայմանագիր կկնքի անգլիական ակումբի հետ և տարեկան 12 մլն եվրո աշխատավարձ կստանա: