2016 թվականի ապրիլի 8-ին Հելսինկյան Քաղաքացիական Ասամբլեայի Վանաձորի գրասենյակը հայտարարություն է տարածել՝ Ռուսաստանի Դաշնության կողմից ղարաբաղյան հակամարտության գոտում սպառազինությունների մրցավազքին նպաստելու շարունակական գործողությունների մասին, որով դատապարտում է Ռուսաստանի Դաշնության իշխանությունների անհամարժեք և անպատասխանատու վարքագիծը և դիմում միջազգային կազմակերպություններին՝ ՄԱԿ, Եվրոպայի խորհուրդ, ԵԱՀԿ, անհապաղ միջոցներ ձեռնարկել կոնֆլիկտի գոտում Ռուսաստանի Դաշնության կողմից սպառազինությունների իրացման գործողությունները միջազգային օրակարգի քննարկման հարց դարձնելու, դրանք դատապարտելու և կասեցնելու նպատակով:
Հայտարարությանը միացել են Աննա Մանուկյանը, Արտակ Հակոբյանը, Արտուշ Խանջյանը, Սվետլանա Ասլանյանը, Տիգրան Բեսալյանը, Վարդան Բաբայանը և «Դեմոկրատիայի եւ իրավունքի զարգացման ինստիտուտ» ՀԿ-ը:
Հայտարարությանը միանալ ցանկացողները կարող են ուղարկել իրենց տվյալները nyeganyan@hcav.am էլ. հասցեին: