2015թ. դեկտեմբերի 18-ին «Կապուտանի միջնակարգ դպրոց» -ում տեղի ունեցավ «Նախակրթարան» -ի բացման արարողությունը: Միջոցառմանը ներկա էին Կոտայքի մարզպետի տեղակալ՝ Կարեն Մարգարյանը, մարզպետի խորհրդական՝ Սմբատ Եղիազարյանը, «Կրթական ծրագրերի կենտրոն» Ծրագրերի իրականացման գրասենյակից ներկայացուցիչներ, Կապուտան գյուղի գյուղապետ Սերոբ Միքայելյանն ու գյուղապետարանի ներկայացուցիչներ, և այլ հյուրեր:
Հյուրերը դպրոցի տնօրեն Սամվել Հովհաննիսյանի ուղեկցությամբ եղան «Նախակրթարան» -ում, այնուհետև ներկա գտնվեցին փոքրիկ միջոցառմանը, որի ժամանակ, նրանցից յուրաքանչյուրն իր գոհունակությունն ու հիացմունքն արտահայտեց կատարված աշխատանքի վերաբերյալ: