Աբովյանի Սուրբ Ստեփանոս հոգևոր-մշակութային կենտրոնում առավոտից տիրում էր արդեն սովորական ու հաճելի դարձած եռուզեռ: Սուրբ Ստեփանոս հոգևոր-մշակութային կենտրոնում պատրաստվում էին հերթական միջոցառմանը: Կենտրոնը լի էր հյուրերով:
Մեր սաները ներկայացրեցին՝ իրենց սիրելի ուսուցիչների` ամիսների քրտնաջան աշխատանքի պտուղները:
«Ավետիս» թատերական խմբակը ներկայացավ «Թումանյանը մեր աչքերով կամ երկու պատվիրան» խորագիրը կրող ներկայացումներով, «Արդվին» ազգագրական պարի համույթը և «Քաղցրիկ Տատրակ» երգչախումբը իրենց անզուգական ելույթներով հանդիսատեսի հոգին ջերմացրին հայ ազգագրական երգերով ու պարերով: Միջոցառման ընթացքում մեր սաները ներկայացրեցին նաև «Շունն ու Կատուն» օպերան: Միջոցումից հետո հյուրերը շրջեցին կենտրոնում և ծանոթացան հելյունագործության, դեկորատիվ նկարչության և նկարչության խմբակների սաների աշխատանքներին:
