Հոդվածներ

Օրհնությամբ Գուգարաց թեմի առաջնորդ Տեր Սեպուհ արք. Չուլջյանի և առաջնորդությամբ Մեծավանի հոգևոր հովիվ Տեր Ներսես քահանա Ղալայանի՝ Մեծավանի «Սուրբ Գևորգ» երիտասարդաց միությունը, նոր ուսումնական տարվան ընդառաջ, իրականացրեց արդեն համաթեմական դարձած «Ձեռք Մեկնիր» բարեգործական ծրագիրը և գրենական պիտույքներով և հագուստով աջակցեց շուրջ 30 դպրոցահասակ երեխաների։ Ծրագիրը Մեծավան համայնքում իրականացվեց Հայ Առաքելական Եկեղեցու Գուգարաց Թեմի Երիտասարդական Կազմակերպության (ՀԱԵԳԹԵԿ) Կենտրոնական Գրասենյակի և Արարատյան Հայրապետական թեմի երիտասարդական կառույցների աջակցությամբ։