Շատ հոգեբաններ կարծում են, որ փոքրիկ գաղտնիքներն ուղղակի անհրաժեշտ են ամուր հարաբերություններ ունենալու համար: Որքան էլ սովորաբար սիրահար զույգն առաջին տեղում դնում է անկեղծությունն ու մինչև վերջ բացությունը սիրելիի հանդեպ, ամեն դեպքում չի կարելի ընկնել ծայրահեղությունների մեջ: Օրինակ՝ չարժի, որ տղամարդը բոլոր մանրամասներով իմանա քո նախկին հարաբերությունների մասին. դա ընդամենը կմեծացնի նրա «անտեսանելի թշնամիների» թիվը և երբեմն-երբեմն անցանկալի խոսակցություններ կբորբոքի… Չարժի նաև աշխատանքից գալ տուն ու սկսել պատմել, թե ով է փորձել սիրահետել Ձեզ…
Լռության և խոսքի ճիշտ համադրումն է նաև ապահովում կնոջ ցանկալիությունը: Այս տեսակետի պաշտպան հոգեբաններից մեկը՝ Նիլիշ Շագը, անգամ պնդում է, որ ինչքան մեծ արագությամբ Դուք հանձնեք Ձեր փոքրիկ գաղտնիքները, այնքան մեծ տեմպերով կսկսեք ձանձրացնել և կանխատեսելի դառնալ տղամարդու համար:
