Հոդվածներ

Օրերս լրացավ հայ ժողովրդի մեծանուն բանաստեղծ, խոսքի և մտքի անզուգական գործիչ Պարույր Սևակի ծննդյան 90 տարին: Պ. Սևակն իր ողջ ստեղծագործական կյանքի ընթացքում անհաշտ պայքար է մղել կյանքի արատավոր երևույթների դեմ: Նուրբ և զգայուն հոգու տեր գրողը մշտապես աղաղակել է, գոչել, պահանջել: Եվ գիտե՞ք ինչ. ապրել առանց դիմակների: Հետևելով մեծ բանաստեղծի խոսքին՝ Լ. Միրիջանյանի անվան հ. 155 հիմնական դպրոցի 9բ դասարանի աշակերտները նրա մասին ցերեկույթն սկսեցին դիմազերծման կոչով, իրերի դատով ու դատաստանով: