«Գերմանիայի ձայն» մրցույթի հերթական փուլում հայ երգչուհի Իվետա Մուկուչյանը հաղթել է մյուս հայուհուն եւ իրանցուն: Մուկուչյանի հետ մրցակցում էին Մերի Հարությունյանը Նյուրնբերգից եւ իրանցի երգիչ Օմիդ Միրզաեին, գրում է գերմանական Hamburger Abendblatt-ը:
«Կույր» լսումներից հետո, երբ երգիչներն իրենք են իրենց պրոդյուսեր ընտրում, մրցույթի մասնակիցներն անցել են հաջորդ փուլ`վոկալային մենամարտի: Այնուհետեւ նրանց արդեն ընտրում են պրոդյուսերները:
Իվետան եւ Օմիդը մրցել են «Many rivers to cross» երգի կատարմամբ: Պրոդյուսեր Խավիեր Նայդուն նրանցից ընտրել է Իվետային: «Շատ վատ է, որ միայն մեկը կարող է հաղթել», - հայտարարել է 26-ամյա Իվետան, որը Հայաստանի տաղանդների հեռուստատեսային մրցույթում զբաղեցրել էր 5-րդ տեղը: Նրա 25-ամյա մրցակից Օմիդը հավակնոտ էր. «Մրցույթում մենք մի նպատակ ունենք` դուրս չմնալ եւ մշտապես կատարելագործվել», – հայտարարել էր նա:
Աղբյուրը`NEWS.am STYLE
