Դուք՝ որպես ՀՀ մարդու իրավունքների պաշտպան, պարտավոր եք գործել բացառապես ՀՀ սահմանադրությամբ և ՀՀ օրենսդրությամբ սահմանված Ձեր լիազորությունների շրջանակում։
«Մարդու իրավունքների պաշտպանի մասին» ՀՀ սահմանադրական օրենքի 3-րդ հոդվածի համաձայն՝ պաշտպանն իր գործունեությունն իրականացնելիս ղեկավարվում է իրավահավասարության, անկողմնակալության, հրապարակայնության, թափանցիկության և Սահմանադրությամբ ամրագրված այլ սկզբունքներով։
Անդրադառնալով վեհափառի և Հայ Առաքելական եկեղեցու մյուս նվիրյալների միջև առկա հակասությանը՝ Դուք միակողմանիություն եք դրսևորել, Ձեր հրապարակմամբ թույլ եք տվել իրավահավասարության, անկողմնակալության, հրապարակայնության, թափանցիկության և Սահմանադրությամբ ամրագրված այլ սկզբունքների խախտում, քանի որ կոչ եք անում ոստիկանությանը երկու վիճող կողմերից կոնկրետ մեկ կողմին աջակցել, ինչը չի բխում Ձեր կարգավիճակից և Հայ Առաքելական եկեղեցու շահերից։
Դուք, հանդես գալով որպես մարդու իրավունքների պաշտպան, պետք է նկատած լինեիք, որ սպառնալիք առավել հաճախ հնչեցնում են վեհափառի կողմնակիցները։ Մասնավորապես պիտի հիշեցնենք Մայր Աթոռի դիվանատանը հոգևոր ղեկավարության կողմից կատարված հակաօրինական գործողությունները խաղաղ ցուցարարների նկատմամբ. դիվանատան սանհագույցների և ջրի փակելը, որը նաև հակամարդկային է, սադրեցին մեր պայուսակում տարօրինակ զանգված գցելով, որը արագ բացահայտվեց, բայց ցայսօր դրա կազմակերպիչը և կատարողը պատասխանատվության չեն ենթարկվել և հոգևորականների հարձակումը խաղաղ ցուցարարների վրա, որն արդեն երկու օր է թնդացնում է համացանցը:
Հարգանքով՝
«Նոր Հայաստան նոր Հայրապետ» նախաձեռնություն