Այսօր Բյուրեղավան համայնքի ղեկավար Հակոբ Բալասյանն ու քաղաքապետարանի ներկայացուցչական կազմն այցելեց Թեքեյան մշակութային կենտրոն, որտեղ մի քանի օր առաջ բացվել էր լուսանկարիչների ցուցահանդես, որը կրում է «Լուսանկարչի օրագրից» խորագիրը: Բյուրեղավանցի թիվ մեկ լուսանկարիչ Էդգար Մարտիրոսյանն այդ ցուցահանդեսի համահեղինակն է ու նրա հրավերով է քաղաքապետն այնտեղ:
Լուսանկարիչը քաղաքապետին ներկայացրեց աշխատանքները, որոնք ներկայացրել են թվով 27 պրոֆեսիոնալ և սիրողական նկարիչներ: Էդգարը ցուցահանդեսին ներկայացրել էր երեք աշխատանք՝ երկու դիմանկար և մեկ բնապատկեր:
Հետաքրքրված լինելով արվեստի այս ճյուղով ևս Բյուրեղավանի քաղաքապետ Հակոբ Բալասյանն ասաց, որ Բյուրեղավան քաղաքի մշակույթի տան հիմնանորոգումից հետո հաճախակի կկազմակերպվեն նմանատիպ ցուցահանդեսներ և կփորձեն նաև լուսանկարչություն արվեստի տեսակը ևս ներգրավել խմբակներում, հավելելով, որ այսօր արվեստի այդ տեսակը մեծ մասսայականություն է վայելում:
Ցուցահանդեսը կգործի մինչև հուլիսի 26-ը:
Բյուրեղավանի Քաղաքապետարան
