Հոդվածներ

     Այսօր՝ մայիսի 8-ին, Արագածոտն մարզի Բազմաղբյուր գյուղի Նվեր Սաֆարյանի անվան միջնակարգ դպրոցի երկրորդ դասարանցիները, դասվար՝ Սեդա Հովհաննիսյանի ղեկավարությամբ անցկացրեցին ցերեկույթ՝ «ԲԱՐՈՒԹՅՈՒՆԸ ԿՓՐԿԻ ԱՇԽԱՐՀԸ» խորագրով: Աշակերտները ներկայացան վերնագրին համահունչ ընտրված բանաստեղծություններով, երգերով և պարով: Իրենց բարի ու պարզ, մաքուր և անաղարտ ժպիտը փոքրիկները կարողացան փոխանցել բոլոր ներկա գտնվողներին:
     Հուսանք ու հավատանք մեր հնարավորություններին, հանենք մեր ներսից բոլոր վատ ու չար մտադրությունները, վրեժխնդրությունը դիմացինի նկատմամբ, իսկ այս ամենը ճիշտ է սկսել՝ փոքրուց:
     Եկե՛ք լինենք կարեկից, չարին բարով հատուցենք, շինծուին՝ ազնվությամբ, ամբարտավանին՝ հեզությամբ ու խոնարհությամբ և այդպիսով ևս մեկ անգամ ապացուցենք, որ ՝ ԲԱՐՈՒԹՅՈՒՆԸ ԿՓՐԿԻ ԱՇԽԱՐՀԸ...