Հիմնադրման մասին
Սուրբ Տրդատ Մեծ Թագավորի անվան Ասպետական Միաբանությունը պետականորեն գրանցվել է 18.07.2013թ., սակայն ամենայն հավանականությամբ այն իր գործունեությունը և՛ Հայաստանում, և՛ Սփյուռքում սկսել է ավելի վաղ: Թե ինչպես և երբ է ստեղծվել, հավաստի տեղեկություններ չկան:
Հովանավոր սուրբ
Միաբանության հովանավոր սուրբ է հռչակվել Նորին Գերազանցություն Տրդատ Գ Արշակունի թագավորը: Ի պատիվ Նորին Գերազանցություն Տրդատ Գ թագավորի, Միաբանությունը և անվանվել է: Ի հարգանս Նորին Գերազանցություն Տրդատ Գ թագավորի, կատարվում է ուխտագնացություն Թորդան՝ Սուրբ Տրդատ թագավորի և Սուրբ գրիգոր Լուսավորչի մասունքներին: Միաբանությունը ի նշան հարգանքի յուրահատուկ կերպով է նշում իր հովհանվոր՝ Նորին Գերազանցություն Սուրբ Տրդատ թագավորի տոնը, որը տոնվում է ամեն տարի Հոգեգալստայն երկրորդ շաբաթ օրը:
Նպատակները
Միաբանությունը հանդիսանում է ռազմական, հոգևոր-ասպետական միաբանություն: Միաբանության նպատակն է՝ վերածնել և հանրությանը ներկայցնել հայ ասպետական, ազնվական ավնդույթները, միապետական մշակույթի արժեքները և գաղափարաբանությունը: Միաբանությունն իրեն հռչակել է իրավահաջորդը Մեծ Հայքի, պաշտպանը՝ հայկական հողերի, Արևմտյան Հայաստանի, Հայոց Կիլիկիայի, Նախիջևանի, Արցախի, Ջավախքի: Միաբանությունը պատրաստ է զենքով պայքարել հայ ժողովրդի, Հայաստանի անվտանգության և սահմանների անձեռնմխելիության համար, պաշտպանում է հայ ժողովրդի ազգային ազատագրական ցանկացած շարժման՝ ի շահ Մեծ Հայքի: Հանդիսանում է պաշտպանը և ամուր ջատագովը Հայաստանի սուվերենության և անկախության: Միաբանությունը հանդիսանում է միապետական արժեքների կրողն ու տարածողը: Միաբանությունը ստեղծված է և իր գործունեությունն իրականացնում է միապետական գաղափարների հիման վրա:
Միաբանության անդամներ և ղեկավարում
Միաբանությունը ղեկավարվում է Մեծ Մագիստրոսի կողմից: Միաբանության անդամները մինչև անդամ դառնալը ստանում են ասպետի աստիճան, որի համար անցկացվում է տվչության կարգ: Ասպետի աստիճանը համարվում է ազնվական աստիճան՝ առանց ժառանգականության իրավունքի:
Միաբանության ղեկավարի, նրա անդամների մասին հստակ տեղեկություններ չկան:
Գաղափարախոսություն
Միաբանությունը հիմնված է հավասարության, նվիրվածության, հավատարմության վրա: Հանդիսանում է ասպետական գաղափարախոսության և փիլիսոփայության կրողը: Ասպետների հիմնական սկզբունենրն են՝
· Հավատարմություն տրված երդմանը
· Հավատարմություն եղբայրությանը
· Պաշտպանել թույլերին, անպաշտպաններին
· Օգնել կարիքավորներին
· Պաշտպանել հայրենիքն ու նրա սահմանները
· Պաշտպանել և նվիրվել ազգին ու ժողովրդին
· Պաշտպանել եկեղեցին ու Հայոց հավատքը: