Մտավորականների դերը յուրաքնչյուր ազգի ներսում մեծ է ու կարևոր, նրանք են հիմնական գաղափարների կրողը, ըստ որի ազգը կարող է գնալ դեպի լուսավորում կամ հակառակը:
Եզդիական համայնքում ամենաքննարկվող հարցերի շուրջ կզրուցենք եզդի ազգի նշանավոր բանաստեղծուհի Հնարա Թաժդինի հետ:
1. Ե"րբ եք սկսել ստեղծագործել և ի"նչ արժեք ունի ձեզ համար գրական աշխարհը:
Սկսել եմ գրել տասներեք տարեկանից, այդ ժամանակվանից մինչ այսօր գրական աշխարհն իմ մշտական ուղեկիցն է գիշեր, թե ցերեկ: Գրելու միջոցով ես արտահայտում եմ, թե ուրախությունը, թե տխրությունը:
2.Դուք ունեք մեկը մյուսի հետ կապ չունեցող մասնագիտություններ` բուժքույր, հաշվապահ, բանաստեղծուհի, ինչո"վ է պայմանավորված մասնագիտական այս բազմազանությունը:
Ոչնչով չի խանգարում մեկը միյուսին, ընդհակառակը, հաճելի է շփվել տարբեր միջավայրի մարդկանց հետ, իսկ այդ մասնագիտական բազմազանությունը պայմանավորված է, կյանքի տարբեր խաչմերուկներում հայտնվելուց:
3.Ի"նչ եք կարծում, որն է գրողի դերը հասարակության մեջ:
Ստեղծագործող մարդու պարտականնություններն ու դերն հասարակությունան մեջ իրականում ավելի մեծ է, քան թվում է:
Յուրաքանչյուր գրող պետք է լինի խաղաղության քարոզիչ, ջանալով պահպանել ազգային արժեքները, ստեղծելով նոր ու արդյունավետ գաղափարներ:
4.Դուք, որպես եզդի ազգի ներկայացուցիչ, ի"նչ կցանկանաք փոխել կամ ավելացնել ձեր համայնքում:
Ամենակարևոր խնդիրը, որ այսօր կա մեր համայնքում, ուսման խնդիրն է, որը պետք է ամեն կերպ լուծվի, քանի որ մեր երեխաներն են մեր ապագան ու հուսալի ներկան:
5.Այսօր եզդիական համայնքում կան արգելքներ աղջիկների ուսման հետ կապված, ի"նչ եք կարծում, ինչպե"ս, ի"նչ եղանակով կարելի է վերացնել այս կարծրատիպը:
Այդ կարծրատիպերը եկել են դարերի խորքից և դրանց վերացումը ո'չ մեկ օրվա, ո'չ էլ մեկ տարվա գործ է, անհրաժեշտ է տարիների տքնաջան աշխատանք, որը պետք է արվի մեր երիտասարդների կողմից, իսկ մենք պետք է ամեն կերպ քաջալերենք նրանց: Իսկ այս և նմանատիպ կարծրատիպերի վերացման միակ ուղղին, ուսման մակարդակի բարձրացումն է:
6.Ի"նչ կասեք կնոջ` հասարակության մեջ ներգրավվածության մասին:
Միայն ազատ կինը կարող է ազատատենչ սերունդ դաստիարակել, եթե կինը դատապարտված է հավերժ ենթակա լինելուն` ենթարկվելով անիմաստ կարծրատիպերին, ապա ազգը նույնպես կդատապարտվի ստրկության:
