Статьи

Արդեն մի քանի տարի է ինչ փետրվարի 19-ը` ամենայն հայոց մեծ բանաստեղծի ծննդյան օրը, Հայաստանում նշվում է որպես գիրք նվիրելու տոն: Երևանի Խ.Աբովյանի անվան հ. 84 հիմնական դպրոցում ևս տոնական տրամադրություն էր:

Թումանյանական աշխարհի գույներն ու ելևէջներն էին թևածում բոլոր դասարաններում: Ամենուր բաց դասեր էին` նվիրված մեծ բանաստեղծին: Աշակերտները կերպարանավորված էին, դասասենյակները հաճելիորեն ձևավորված: Մայրենիի սրահում շնորհալի աշակերտներից մեկը նվագում էր հատված «Անուշ» օպերայից` տարածելով դաշնամուրի մոգական հնչյունները:

Իսկ արդեն ավանդույթ դարձած գրքերի փոխանակումից հետո 9-րդցիները գրքեր նվիրեցին մայրենիի սրահին: