Քո գալիք փառքի ու պարծանքի զավակներն ենք, Հայրենիք:
Հ.84 դպրոցը միշտ էլ կարևորել է հայրենասիրական դաստիարակությունը: Դպրոցում ավանդաբար նշվող միջոցառումներ կան, որոնք միտված են ռազմահայրենասիրական ոգու բարձրացմանը, հերոսական անցյալի վերարժևորմանը և նորօրյա հերոսների ճանաչմանը:
Այդօրինակ միջոցառումներից էր Շուշիի ազատագրման 22-ամյակին նվիրված, «Խոնարհ հերոսներ» խորագիրը կրող բաց-դաս-ցերեկույթը, որը կազմակերպել էր պատմության ուսուցչուհի Ա.Բարսեղյանը:
Բեմում տիրող հայրենասիրական ոգին փոխանցվել էր հանդիսատեսին: Աշակերտները կարողացան տանել հանդիսատեսին պատմության քառուղիներով` դարձնելով նրանց արցախյան ազատամարտի լուռ վկա: Իսկ հայրենասիրական երգերը, խրոխտ սասնա պարերն ու ցուցադրված տեսաֆիլմերը միջոցառումը դարձրին առավել հայրենաշունչ: