Գորիս-Երեւան ավտոճանապարհ 20-րդ կմ-ում, այսօր` մարտի 6-ին, ավտովթար է տեղի ունեցել. կան տուժածներ:Պարզվել է, որ դեռեւս չբացահայտված հանգամանքներում բախվել են «Օպել» մակնիշի 23 ՏՕ 286 (վարորդ` Մ. Պապյան) եւ «ԳԱԶԵԼ» մակնիշի Լ 9694 համարանիշների (վարորդ` Վ. Ոսկանյան) մեքենաները:
Վթարի հետեւանքով «ԳԱԶԵԼ»-ը դուրս է եկել ճանապարհի երթեւեկելի մասից եւ շրջվել: Փրկարարները «ԳԱԶԵԼ»-ից դուրս են բերել 60-ամյա Վ. Ոսկանյանին եւ ուղեւորներ` 58-ամյա Ալվարդ Հովակիմյանին, 41-ամյա Լուսինե Ոսկանյանին, 76-ամյա Սաթիկ Հարությունյանին, 34-ամյա Ելենա Հարությունյանին եւ 44-ամյա Զինա Մովսիսյանին, իսկ «Օպել» մակնիշի ավտոմեքենայից` 30-ամյա Մ. Պապյանին, ովքեր, թեթեւ մարմնական վնասվածքներով, հոսպիտալացվել են Գորիս քաղաքի կենտրոնական հիվանդանոց:
Բժիշկները տուժածների առողջական վիճակը գնահատել են բավարար: