Աշխարհում միջին տարեկան ջերմաստիճանը 2015-2016-ին կարող է լինել ամենաբարձրը եղանակային տեսությունը կանխատեսելու պատմության ընթացքում: Այս մասին հաղորդում է BBC-ն:
Երկրի մակերեսի միջին ջերմաստիճանն ընթացիկ տարում մոտ է պատմական առավելագույնի և Ցելսիուսի 0.68 աստիճանով գերազանցում 1961-1990-ի ռեկորդը:
Խաղաղ օվկիանոսում ակտիվանում է Էլ-Նինյո ֆենոմենը, որը «կտաքացնի» ամբողջ աշխարհը: Այդուհանդերձ, աշխարհում ավելի շոգ կլինի, բայց օդերևութաբանները կանխատեսում են Եվրոպայում առավել զով ամառային ամիսներ, քան վերջին տասնամյակներում:
«Եթե հրաբխի ծավալուն ժայթքում չլինի, ըստ երևույթին, 2014, 2015 և 2016 թվականներն ամբողջ աշխարհում ամենաշոգը կլինեն եղանակային կանխատեսումների պատմության ընթացքում», - հայտարարել է Ռեդինգի համալսարանի պրոֆեսոր Ռոուեն Սաթոնը:
Գիտնականների կարծիքով` նման փոփոխությունների համար զգալի դեր են խաղում ջերմոցային գազերի արտանետումները:
