Հունաստանում Թուրքիայի գլխավոր հյուպատոս Օսման Իլհան Շեների ավտոմեքենայի վրա հարձակում է իրականացրել երիտասարդ հույներից կազմված մի խումբ, հաղորդում է Hurriyet Daily-ն:
Հարձակման ժամանակ հյուպատոսի ավտոմեքենան գտնվում էր Կոմոտինի քաղաքի քաղաքապետարանի շենքի առաջ, որտեղ Իլհան Շեները հանդիպման էր գնացել քաղաքապետի մոտ, երբ 30 երիտասարդներից կազմված խումբը Հունաստանի դրոշով և հակաթուրքական արտահայտություններ բղավելով սկսել է հարվածել ավտոմեքենային: Հյուպատոսը չի տուժել, քանի որ այդ պահին գտնվում էր քաղաքապետարանում:
Դեպքից հետո անվտանգության աշխատակիցների օգնությամբ նա կարողացել է ավելի ուշ դուրս գալ շենքից: