Էստակադային ճանապարհով պետք է բացառվի ցանկացած տեսակի զենքի, զինամթերքի և թմրանյութերի տեղափոխումը
17:26, Понедельник, 25 Сентября, 2023 года
 Եկել է ժամանակը որոշում կայացնելու, իսկ դրանից խուսափումը և ընտրության չկատարումը Հայաստանի Հանրապետությանը կբերի աղետալի վիճակի ... Հարգելի ընդդիմադիր կուսակցություններ՝ Հաշվի առնելով տարածաշրջանում՝ և մասնավորապես Հայաստանի Հանրապետության շուրջ ստեղծված աշխարհաքաղաքական իրավիճակը, տեսնելով միջազգային հարաբերություններից անբողջովին անտեղյակ իշխանության վարած արտաքին քաղաքականությունը, որը նոր ռազմական ագրեսիայի վտանգի առաջ է կանգնեցրել Սյունիքին՝ կենսական անհրաժեշտություն է առաջանում գտնելու իրատեսական և հնարավորինս քիչ ցավալի դիվանագիտական լուծումներ, որոնք կչեզոքացնեն ադրբեջանա-թուրքական նոր ռազմականագրեսիայի վտանգը Սյունիքի վրա։ Քանի որ Միջազգային հանրույթի համար Ադրբեջանի դեմ գործողությունները սահմանափակվում են միայն «մտահոգիչ» կոչերով և Հայաստանի դե-յուրե դաշնակից Ռուսաստանը սիրախաղի մեջ է մտել Թուրք-ադրբեջանական դաշինքի հետ՝ ստեղծված իրավիճակում կա երկու ճանապարհ. 1-ին ճանապարհ՝ — Պահպանելով Հայաստան-Իրան ցամաքային կապը և, դա համարելով Հայաստանի Հանրապետության կարմիր գծերից մեկը՝ ընդամենը 10 մետր լայնությամբ էստակադային ճանապարհի տրամադրումը, որը պետք է ունենա 15 հոգուց բաղկացած մաքսային ծառայություն, որի հայկական կողմում կանգնած կլինեն 3 Հայաստանի, 3 Իրանի և 3 որևէ ԵՄ երկրի մաքսային ծառայողներ, իսկ Ադրբեջական կողմում կլինեն Թուրքական և Ադրբեջանական 3-ական մաքսային ծառայողներ՝ իրականացնելու Էստակադային ճանապարհի վերահսկողությունը։ Էստակադային ճանապարհով պետք է բացառվի ցանկացած տեսակի զենքի, զինամթերքի և թմրանյութերի տեղափոխումը։ Հանդիսանալով դրա գլխավոր շահառուն՝ էստակադային ճանապարհի անբողջ շինարարությունը պետք է հոգա Ադրբեջանի հանրապետությունը եվ դրա օգտագործման համար տրամադրի X գումար Հայաստանի Հանրապետությանը։ 2-րդ ճանապարհ՝ Իրատեսական գնահատելով ՀՀ ռազմական ներուժը և դաշնակիցների բացակայությունը՝ Սյունիքի վրա սպասվող լայնածավալ պատերազմը դառնում է անխուսափելի, և մոտ ապագայում այն տեղի ունենալու դեպքում՝ Հայաստանի Հանրապետությունը կորցնելու է ոչ միայն Ադրբեջանը - Նախիջևանին կապող միջանցք, այլ նաև անբողջ Սյունիքի մարզը՝ տալու ենք հազարավոր զոհեր, ունենալու ենք տասնյակ հազարավոր վիրավորներ, իսկ հաջորդ ռազմական լայնածավալ ագրեսիայի վտանգի տակ ենք դնելու Գեղարքունիքը, Երևանը և ՀՀ այլ մարզեր. «Հանրային Ձայն» կուսակցությունը գնահատելով ստեղծված աշխարհաքաղաքական իրավիճակը, ՀՀ ռազմական ներուժը, միջազգային հանրույթի «մտահոգված» կոչերը, դաշնակիցների բացակայությունը՝ ընտրում է 1-ին ճանապարհը, համարելով այն ստեղծված իրավիճակում դիվանագիտական հնարավորինս ամենաքիչ ցավոտ լուծում. - Եկել է ժամանակը որոշում կայացնելու, իսկ դրանից խուսափումը և ընտրության չկատարումը՝ Հայաստանի Հանրապետությանը կբերի աղետալի վիճակի։ «Հանրային Ձայն» կուսակցությունն առաջարկում է կազմակերպել քննարկում Հանրային Հեռուստաընկերության եթերում՝ հրավիրելով բոլոր իրենց ընդդիմադիր հռչակած կուսակցություներին և լսել նրանց կարծիքը թե ո՞ր ճանապարհն են նախընտրում՝ 1-ին, թե՞ 2-րդ և, որպես Հայաստանի Հանրապետության խորհրդարանական և արտախորհրդարանական ուժերի տեսակետ՝ ստեղծել ճանապարհային քարտեզ, Հայաստանի Հանրապետության առջև ծառացած սպասվելիք նոր աղետը չեզոքացնելու համար. Հարգանքներով՝ «Հանրային Ձայն» կուսակցություն |
Источник: «Հանրային Ձայն» կուսակցություն
Нравится
0
Не нравится
0
524 | 0 | 0 | 0
