Идет загрузка...
Сегодня:  Понедельник, 27 Мая, 2024 года

Статьи

Աշխարհն այսքան անկատար

10:08, Суббота, 09 Сентября, 2023 года
Աշխարհն այսքան անկատար
    
    
    

Լույսը բացվո՜ւմ է՝ ցանելով ոսկի,

Արևն իր կո՜ւրծքն է բացում

Հյուրընկալ,

… Ո՞ւմ է հարկավոր լո՜ւյսն Արեգակի

Երբ արթնանո՜ւմ ես

Ու …Մա՜յրդ չկա…


    

Երբ գի՜րկը չկա, այն ինքնամոռաց,

Որ քեզ սեղմելով

Պե՜տք է տաքացնի,

… Հատակի վրա քսքստացնելո՜վ

Հողաթափերի ձայ՜նը էլ չկա՛,

Որ քեզ արթնացնի…


    

Մայրական քնքուշ այն Ձե՜ռքը չկա՜,

Որ դողացնելով

Քեզ սո՜ւրճ հասցնի,

Մայրական քաղցր այն Ձա՜յնը չկա.

- Հոգնա՞ծ ես, որդիս.

Որ քեզ հարցնի:


    

Հույսով կերակրո՜ղ, լույսով համբուրո՜ղ

Քո ցավից անվե՜րջ,

Անվե՜րջ տառապող-

Չկա մայրական Սի՜րտը թանկագին,


    

… Իսկ Արեգակը ստինքերն իր բացե՜լ՝

Փռվել է Մորդ

Դատա՜րկ սնարին…


    

Ո՞ւմ է հարկավոր լո՜ւյսն Արեգակի

Երբ լույսով այդ փնտրո՜ւմ

Չե՜ս գտնում Մորդ…

Երբ գիտե՜ս, որ իրոք դաժա՜ն է լինում -

Առանց Մոր անցնող

Հերթական օրդ…

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
893 | 0 | 0
Facebook