Հ. Կարապենցի անվան հ. 6 հիմնական դպրոցում գործում է երկարօրյա խմբակ, որը յուրահատուկ է իր բազմազանությամբ: Այստեղ երեխաները բացի դասապատրաստումից սովորում են տիրապետել օրիգամի արվեստին /աշխատանք թղթի հետ /, առաջարկում և ներկայացնում են իրենց տարբերակները, ստանում են համակարգչին տիրապետելու տարրական գիտելիքներ, համակարգչի միջոցով անցկացնում են ուսուցողական, ճանաչողական և զարգացնող դասընթացներ: Խմբակում երեխաները նաև վարպետանում են նկարչության ոլորտում, ինչպես նաև սովորում են տիրապետել կավե արձանիկները գունազարդելու արվեստին: Երեխաները մեծ ոգևորությամբ են հաճախում խմբակ` ամեն նոր օր նոր գիտելիք, ձեռքի վարպետություն և հմտություն ձեռք բերելու ակնկալիքով ու սպասումով: