Articles

Այս տարի Հ. Կարապենցի անվան հ. 6 հիմնական դպրոցի աշակերտները Անկախության տոնը նշեցին ՃՈ աշխատակիցների աջակցությամբ և անմիջական մասնակցությամբ: Երեխաները ներկայացրեցին իրենց երգն ու պարը, այնուհետև երթ կազմակերպվեց, որն ուղեկցեցին ՃՈ ուղեկցող սպայական վաշտի 2-րդ դասակի տեսուչներ, ավագ լեյտենանտ` Հրանտ Զավենի Ավետիսյանը և ավագ լեյտենանտ` Աշոտ Նիկոլայի Գյուլումյանը:

Խորին շնորհակալություն ենք հայտնում ՃՈ աշխատակիցներին աշակերտների և հետիոտնի մեկամսյա ճանապարհային անվտանգությունը ապահովելու, երեխաների հետ իրենց հուզող հարցերի շուրջ զրուցելու և հետիոտնի կողմից ճանապարհային անվտանգության կանոնների պահպանման վերաբերյալ պարբերաբար զրույցներ տանելու համար:

«Ոստիկանություն – դպրոց» համագործակցությունը հերթական անգամ իր դրական ազդեցությունը թողեց աշակերտների վրա և նպաստեց կարգապահության բարձրացմանը: