Articles

Ալեքսանդր Մեծի թողած թափուր գահի համար պայքարողներից ամենաավագն Անտիգոնոսն է եղել: Նա դեռ Ալեքսանդրի հոր՝ Փիլիպոսի ժամանակ է կռիվներին մասնակցել ու աթենացիների դեմ կռվում կորցրել է մի աչքը: Նա մրցակիցներից առաջինն է ինքն իրեն թագավոր հռչակել ու ճակատին սպիտակ փաթաթան՝ ապարոշ է կապել: Երբ շողոքորթներից մեկը՝ բանաստեղծ Հերմոդոտոսը, իր բանաստեղծություններում Անտիգոնոսին արևի որդի է անվանել, նա ասել է. «Դա ճիշտ չէ, և դա բոլորից լավ գիտենք ես և այն ստրուկը, որը տանում թափում է իմ գիշերանոթը»:
     Երկարատև հիվանդությունը հաղթահարելուց հետո նա ասել է. «Այս հիվանդությունը չգոռոզանալու մասին հիշեցում է, քանի որ մենք նույնպես մահկանացու ենք»: