Loading...

Articles

«Աշակ» անունով կենդանին՝ սիրո «խթանիչ»

12:19, Saturday, 31 October, 2020
«Աշակ» անունով կենդանին՝ սիրո «խթանիչ»

10-րդ դարի արաբ աշխարհագիր Իբն ալ Ֆակիհ ալ Համադանին բազում հետաքրքիր տեղեկություններ է հաղորդել Հայաստանի մասին: Դրանց մի մասն իր անձնական դիտարկումների արգասիք են, մյուսները՝ Հայաստանի տարբեր մարզերի իշխանավորների մոտ որպես քարտուղար ծառայած Ահմեդ իբն Վատըխ Իսպահանի աշխարհագրի՝ Ալ Ֆակիհին փոխանցած դիտարկումների արքասիք:

Օրինակ՝ Ահմեդ իբն Վատըխ Իսպահանին Իբն ալ Ֆակիհին ասել է, թե «...չի տեսել մի երկիր, որն ավելի հարուստ լիներ և կենդանիների քանակությամբ ավելի նշանավոր, քան Հայաստանը: Հայաստանում կա «աշակ» անունով մի կենդանի, որը նման է կատվի և ունի քնքուշ հոդեր և փափկամազ բուրդ: Այս կենդանու մի քանի մորթին կարում են իրար և զգեստ են պատրաստում, իսկ ժանիքները շատ օգտակար են սիրային գործերի համար: Վերցնում են նրա ժանիքներն ու ոսկորները և լավ չորացնում են: Քո սիրած էակին տալիս ես խմելու այդ ոսկորների փոշին, և նա սիրելու է քեզ կրքոտ սիրով»:

To promote the post

Like
0
Dislike
0
| | |
1079 | 0 | 0
Facebook