2013թ. ապրիլի 23-ին Վաղարշապատ քաղաքի Երվանդ Օտյանի անվան N7 հիմնական դպրոցն իր մասնակցությունն ունեցավ (դպրոցից հրավիրված փորձագետ` բանասիրական գիտությունների թեկնածու, հայոց լեզվի և գրականության ուսուցչուհի Հերիքնազ Որսկանյան) հանրային հեռուստատեսության (Առաջին ալիք) «Հայոց հարց» հաղորդմանը` նվիրված Երվանդ Օտյանին:
Հաղորդումը լսարանի, հեռուստադիտողների համար գծագրեց ստեղծագործող, հրապարակախոս Օտյանի, քաղաքացի Օտյանի, մարդ Օտյանի, հայասերի բազմակողմանի դիմանկարը, դպրոցի տնօրեն Վարուժան Հայրապետյանի կողմից առաջ քաշվեց դպրոցական ծրագրերում (մասնավորապես` ավագ դպրոցի) Օտյան հեղինակին ներառած չլինելու մտահոգիչ խնդիրը:
