Loading...

Articles

Գարեգին Բ-ի եղբայրը պատմության մեջ կմնա որպես «համայնքային եկեղեցիներ բռնազավթող Եզրաս»

Ազատ Խոսք
Spokesperson:
Ազատ Խոսք
17:57, Monday, 29 July, 2019
Գարեգին Բ-ի եղբայրը պատմության մեջ կմնա որպես «համայնքային եկեղեցիներ բռնազավթող Եզրաս»

ՌԴ ՀԱՅԿԱԿԱՆ 12 ՀԱՄԱՅՆՔՆԵՐ ԴԺԳՈՀԵԼ ԵՆ ԵՎ ԲԱՑԱՀԱՅՏՈՐԵՆ ՄԵՂԱԴՐԵԼ ԵԶՐԱՍԻՆ ԵՎ ԻՐ «տերտերներին» ՝ ՀԱՅՈՑ ԵԿԵՂԵՑԻՆ ԲԻԶՆԵՍԻ ՎԵՐԱԾԵԼՈՒ ՄԵՋ
    


     Հուլիսի 21-ին ՀՀ վարչապետի սփյուռքի հարցերով գլխավոր հանձնակատար Զարեհ Սինանյանը այցելել էր Մոսկվայում գտնվող առաջնորդանիստ եկեղեցու տաճարային համալիր, որտեղ պետք է հանդիպում տեղի ունենար Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոսի հետ, ով պատմության մեջ կմնա որպես «համայնքային եկեղեցիներ բռնազավթող Եզրաս»: Սակայն... Եզրաս արքեպիսկոպոսը անհրաժեշտ չհամարեց անձամբ ընդունել Սինանյանին:
     Հանդիպման ընթացքում Սինանյանը նախատեսում էր անձամբ Եզրասին փոխանցել Ռուսաստանի ավելի քան տասը քաղաքներում հայ համայնքների դժգոհությունը՝ կապված իր գործունեության և նրա ներկայացուցիչների վարքագծի հետ: Ռուսաստանի հայերի միության ներկայացուցիչներն են Սինանյանին բողոքել Եզրասից:
     Այցի առաջին օրը Սինանյանն այցելեց Ռուսաստանի հայերի միություն, որտեղ, ի զարմանս շատերի, տեղի ունեցավ բուռն քննադատություն: Մի կողմ թողնելով քննարկման որակը՝ ուշադրությունը հրավիրենք հետևյալի վրա:
     Հանդիպման ընթացքում Սարովի մի քանի քաղաքացիներ անմիջապես բարձրացրեցին շատ զգայուն մի հարց, որի մասին սկզբում որոշեցինք չգրել, այդ թվում` Ռուսաստանի հայերի միության նախագահ Արա Աբրահամյանի խնդրանքով, ով կոչ արեց քննարկման մասնակիցներին չհրապարակել այս տեղեկատվությունը: Բայց հետո ստացանք տեղեկություններ, որ Աբրահամյանը լավ գիտեր այդ խնդրի մասին և ցանկանում էր դա լուծել Սինանյանի ձեռքով, թեև փորձում էր օգտագործել իր ողջ դերասանական տաղանդը՝ տպավորություն ստեղծելու համար, թե առաջին անգամ է լսում այդ մասին: Հանդիպման ընթացքում Սարովի քաղաքացիները բացահայտորեն մեղադրեցին Եզրասին և նրա հոգևորականներին՝ հայկական եկեղեցին բիզնեսի վերածելու մեջ:
     Ուդմուրտիայի հայ համայնքի նախագահ Մնացական Առաքելյանի խոսքերով, Ուդմուրտիայի 5300 հայեր դիմել են Եզրասին՝ օծելու համար դեռևս 2012 թ.-ին կառուցված եկեղեցին: Եզրասը առաջադրել է երեք պայմաններ.
     1. իր հոգևորականին ապահովել կայուն աշխատավարձով,
     2. համայնքի ջանքերով կառուցված եկեղեցին հանձնել առաջնորդին՝ Եզրասին, այդ թվում՝ տարածքի հետ միասին կառուցված եկեղեցու գույքային իրավունքները,
     3. ևս մեկ փոխանցում. 1 200 000 ռուբլի՝ «կայունացման հիմնադրամին» (այսինքն՝ կաշառք):
     «Ես խնդրեցի Եզրասին այս երեք պայմանները չեղյալ համարել: Ոչ թե ժողովուրդը պետք է ծառայի հոգևորականին, այլ հոգևորականը պետք է ծառայի ժողովրդին: Նման խնդիր կա ոչ միայն մեզ մոտ, այլ նաև Սվերդլովսկի շրջանում, Պենզայում, Եկատերինբուրգում: Ընդհանուր՝ 12 քաղաքներում», - ասաց Մնացական Առաքելյանը՝ հազիվ զսպելով զգացմունքները:
     Սարովցիները նաև նշեցին, որ նրանք փորձել են լուծել այս խնդիրը ինքնուրույն, բայց չեն կարողացել և այժմ ստիպված պետք է օգնություն խնդրեն Սինանյանից. «Լուծե՛ք այս խնդիրը»:
     Սինանյանը ցնցված էր, այնուամենայնիվ իր մեջ ուժ գտավ պատասխանելու: Նա ասաց, որ եկեղեցին և պետությունը առանձին կառույցներ են, և նա չի կարող միջամտել: Սակայն նա խոստացավ այդ դժգոհությունը փոխանցել Եզրասին՝ կիրակի հանդիպման ժամանակ:
     Սակայն Եզրասը կիրակի օրը չեկավ հանդիպման Սինանյանի հետ:
     Երևում է, նա վերջապես ամաչել է իր գործողությունների համար...

ՌԴ հայկական համայնքները բողոքում են Գարեգին Բ-ի կադրերից
To promote the post

Like
0
Dislike
0
| | |
3083 | 0 | 0
Facebook