Հոկտեմբերի 5-ը ուսուցչի և կրթական ողջ ոլորտի աշխատողների մասնագիտական տոնն է: Անգնահատելի է նրանց դերը սերունդներ կրթելու բարդ ու պատասխանատու գործում, որն, ինչ խոսք, իրենից անսահման նվիրում ու հոգատարություն է պահանջում:
Թանկագի՛ն ուսուցիչներ, դասախոսներ, մանկավարժներ,
Ավանդական բժշկության համալսարանը, համակված անասելի ակնածանքով ու երախտագիտության զգացումով, ի սրտե շնորհավորում է Ձեզ տոնի առթիվ: Շնորհակալություն ա՛յն սրտացավության ու ջերմության, ա՛յն ծնողական սիրո ու հոգատարության, ա՛յն անշահախնդիր նվիրումի համար, որով շրջապատում եք Ձեր սաներին, և վերջապես շնորհակալություն ա՛յն անգնահատելի գիտելիքի համար, որը փոխանցում եք Ձեր կրտսեր սերունդներին:
Հայ ժողովրդի կնճռոտ պատմության ընթացքում գրեթե միշտ, իսկ այսօր առավել ևս պատեհ է նրանց մեջ ձևավորել ո՛չ միայն գիտակ մարդ, արհեստավարժ մասնագետ լինելու անհրաժեշտությունը, այլև մարդկային բարձր հատկանիշներով օժտված հպա՜րտ քաղաքացի ու հպա՜րտ հայորդի լինելու կարևորությունը:
Մեկ անգամ ևս շնորհավորում ենք բոլորիդ Ուսուցչի օրվա առթիվ և մաղթում խաղաղություն, երջանկություն ու աշխատանքային նոր հաջողություններ:
