Ռիո Դե Ժանեյրոյի ոստիկանությունն այսօր ձերբակալել է Բրազիլիայի ազգային օլիմպիական կոմիտեի և Ռիոյի օլիմպիական խաղերի կազմկոմիտեի նախագահ Կառլոս Արթուր Նուզմանին: Նա կասկածվում է կոռուպցիայի համար: Ոստիկանությունը նրան մեղադրանքներ է առաջադրել՝ 2 մլն ԱՄՆ դոլարի չափով կաշառք տալու համար, որպեսզի Ռիոն դառնա օլիմպիական մայրաքաղաք: Հիշեցնենք, որ Ռիոն որպես օլիմպիական խաղերի մայրաքաղաք է ընտրվել 2009-ի հոկտեմբերի 2-ին՝ Կոպենհագենում կայացած ՄՕԿ-ի համագումարի ընթացքում: