Քալիֆորնիայի ոստիկանությունը ջանում է հանգստացնել բնակիչներին, որոնց զզվեցրել են ծաղրածուի հանդերձանքով եւ գրիմով ծաղրածուները: Այս մասին հայտնում է LA Times-ը:
Լանքասթերում ծաղրածուի հանդերձանքով խուլիգանները սարսափ ֆիլմերի նմանությամբ անցորդների դիմաց թափահարել են խոհանոցային դանակները եւ տեսանկարահանել են նրանց արձագանքը:
«Նրանք անբարեհամբույր ծաղրածուներ են», - հայտարարել է Լոս Անջելեսի շրջանի շերիֆի սոցիալական աշխատակից Ալի Վիլյա-Լոբոսը:
Այդուհանդերձ, շերիֆի օգնականները նշել են, որ ծաղրածուները լուրջ հարձակումներ չեն իրագործում, այլ ջանում են միայն խաղարկելով վախեցնել:
Սակայն, նրանց խոսքով, դեռեւս չի հաջողվել համացանցում այդպիսի տեսանյութեր գտնել:
Անհեթեթ խաղն սկսվել է օգոստոսին Հարավային Կարոլինա նահանգում: Դրանց արձագանքել է նույնիսկ Սպիտակ տունը:
Երեքշաբթի կայացած ճեպազրույցի ժամանակ նախագահի աշխատակազմի քարտուղար Ջոշուա Էրնեսթը հայտարարել է, թե տեղյակ չէ՝ արդյոք խուլիգանների մասին հայտնել են նախագահին, բայց տեղերում ոստիկանությունը շատ լուրջ է արձագանքում:
