Առողջապահության համաշխարհային կազմակերպության (ԱՀԿ) բոլոր անդամ երկրները ապրիլի 7-ը նշում են որպես Առողջության համաշխարհային օր` ի նշանավորումն 1948 թվականին կազմակերպության հիմնադրման:
Ամեն տարի ապրիլի 7-ը նշվում է յուրահատուկ կարգախոսով, որը կենտրոնացնում է ուշադրությունը հանրային գլոբալ առողջապահական միտումների և առողջությանը սպառնացող թիրախների վրա:
Անրադառնալով առողջապահության ոլորտում գերխնդիր համարվող տուբերկուլոզ հիվանդությանը պետք է նշենք, որ տուբերկուլոզի դեմ պայքարի ազգային ծրագրի շրջանակներում իրականացված միջոցառումների արդյունքում վերջին տարիներին Հայաստանում արձանագրվում է տուբերկուլոզի համաճարակային իրավիճակի բարելավում:
Հայաստանում տուբերկուլոզի ոլորտում 2015 թվականից ակտիվ պայքար է սկսել «Տուբերկուլոզը Եվ Ես» սոցիալ-հոգեբանական հասարակական կազմակերպությունը, որը ԱՄՆ Միջազգային զարգացման գործակալության և Առողջապահության համաշխարհային կազմակերպության «Տուբերկուլոզի կանխարգելման և վերահսկման վերաբերյալ կրթություն, տեղեկատվություն և իրազեկում» ծրագրի շրջանակում, «Առաքելություն Արևելք» դանիական մարդասիրական կազմակերպության հայսատանյան մասնաճյուղի հետ համատեղ սույն թվականի ապրիլի 7-ին, քաղաք Երևանի` Հյուսիսային պողոտայում իրականացրեց հասրակության իրազեկմանը նպաստող «ՄԻԱՎՈՐՎԵՆՔ ՎԵՐԱՑՆԵԼՈՒ ՏՈՒԲԵՐԿՈՒԼՈԶԸ» խորագրով ֆլեշմոբ:
Ֆլեշմոբի իրականացմանը աջակցեց քաղաք Աբովյանի «Կարոտ» պարային խումբը, որի գեղարվեստական ղեկավարն է` Հասմիկ Սաֆարյանը:
