Նահանգի նավթարդյունաբերող ընկերությունը տեղեկացնում է, որ Պերուի հիմնական նավթամուղից արտահոսելուց հետո առնվազն 3000 բարել չմշակված նավթ է լցվել Ամազոնյան տարածք:
Կառավարությունը և տեղաբնիկ առաջնորդները տեղեկացնում են, որ նավթը աղտոտել է երկու գետ, որի ջրերից առնվազն տեղաբնիկների ութ համայնքներ են օգտվում:
Petroperu ընկերությունը խոստացավ ամբողջությամբ մաքրել տարածքը, ինչպես նաև տեղի բնակչությանը ապահովել մթերքով և ջրով:
Ընկերությունը տեղեկացրեց, որ առաջին հոսքը եղել է հողի փլուզումների հետևանքով, բայց երկրորդի պատճառը պարզ չէ:
Կառավարության միջավայրի դիտորդ կազմակերպությունը` OEFA-ն, տեղեկացրել է, որ նավթը լցվել է Պերուի հյուսիսարևելքում գտնվող Չիրանո և Մորոնա գետերը:
Այդ տարածքի տեղաբնիկ առաջնորդ Եդվին Մոնտենեգրոն տեղեկացնում է, որ հոսքն իր ազդեցությունն է ունենում նաև Աչուր համայնքի վրա, և տեղատարափ անձրևները խոչընդոտում են հոսքը դադարեցնելու աշխատանքներին:
Պերուի առողջապահության նախարարությունը ջրի որակի պատճառով արտակարգ իրավիճակ է հայտարարել հինգ շրջաններում և OEFA-ի պաշտոնյաներն ասում են` եթե պարզվի, որ արտահոսքը առողջական վնաս է հասցրել տեղի բնակչությանը, ապա հնարավոր է, որ Petroperu-ն տուգանվի մինչև 17 միլիոն դոլարի չափով:
Հայտարարության մեջ OEFA-ն նշեց, որ այդ արտահոսքերը առանձին դեպքեր չեն, և ընկերությանը առաջարկեց տեղափոխել նավթամուղը և բարելավել սպասարկումը:
Petroperu-ի տնօրեն Գերման Վեհասկեսը հերքեց այն հայտարարությունները, թե իբր ընկերությունը երեխաներին վճարել է, որ մաքրեն նավթի հաստ տիղմը:
Այնուամենայնիվ Վելասկեսը նպատակ ուներ ազատել ընկերության չորս պաշտոնյաներին, որոնցից մեկը հավանաբար կլինի նա, ով երեխաներին թույլ է տվել հավաքել նավթը:
Վասկեսը ասել է, որ ընկերությունը գնահատում է 1970 թվականին կառուցված նավթամուղը, որպեսզի կանխեն հետագա արտահոսքերը:
Արտահոսքը դադարեցրել է օրական մինչև 6000 բարել նավթի տեղափոխումը:
