Ազատամարտիկների բաց նամակը
18:21, Sunday, 22 September, 2013
Like
0
Dislike
0
3153 | 0 | 0 | 0
Բաց նամակ ՀՀ նախագահ Սերժ Սարգսյանին ՀՀ Աժ նախագ Հովիկ Աբրահամյանին ՀՀ վարչապետ Տիգրան Սարգսյանին ՀՀ գլխավոր դատախազի պաշտոնակատար Արամ Թամազյանին ՀՀ պաշտպանության նախարար Սեյրան Օհանյանին Սույն թվականի սեպտեմբերի 19-ին, ժամը 22: 30-ին իր տնից առևանգվել է ազատամարտիկ, Հայոց բանակաշինության մեջ մեծ դերակատարություն ունեցող գնդապետ Վոլոդյա Ավետիսյանը: 20. 09. 2013 թ. ՊՆ-ն հայտարարություն է տարածել, թե իբր Վոլոդյա Ավետիսյանը մեծ չափով գումար է հափշտակել, կամ խաբեությամբ վերցրել՝ Հ. Զաքարյանի թոռանը բանակից ազատելու համար: Այդ անհեթեթ հայտարարությունը չի կարող համապատասխանել իրականությանը, քանի որ նախ՝Վ. Ավետիսյանն այս պահին պահեստի գնդապետ է և չի զբաղեցնում որևէ պաշտոն համակարգում, ապա՝ նրան ճանաչելով հայտնում ենք, որ նա այդ անձնավորությունը չէ: Մենք համոզված ենք, որ այս սադրանքը նրա նկատմամբ պայմանավորված է վերջին ամիսների ակտիվ հասարակական գործունեությամբ, որով նա պահանջում է արժանապատիվ կյանք բոլոր ազատամարտիկների համար: Մի՞թե բազմաթիվ պարգևներ և մեդալներ ստացած, ազատամարտիկների մոտ հարգանք վայելող հրամանատարն արժանի էր այսպիսի շնորհավորանքի անկախության 22-րդ տարեդարձի կապակցությամբ: Նրա՝ մեկուսարանում գտնվելու փաստը միանգամայն ապօրինի է: Մենք մեր զայրույթի ձայնն ենք բարձրացնում և պահանջում անհապաղ ազատ արձակել մեկուսարանից: Եթե նախաքննությանն անհրաժեշտ է նրա ներկայությունը, մենք ՝ ներքոստորագրյալներս, երաշխավորում ենք, որ նա չի խոչընդոտի այդ գործընթացին: Ռազմի դաշտում լինելով Լեոնիդ Ազգալդյանի զինակից ընկերը և նրա տեղակալը, նա միշտ աչքի է ընկել իր մարդասիրական հատկանիշներով, քարոզել ու մինչև օրս քարոզում է օրինականություն և հայրենասիրություն: Նման անձնավորությունը չի կարող լինել հանցագործ և անկախության տոնը պետք է նշեր իր մարտական ընկերների հետ: Պահանջում ենք ազատ արձակել Վոլոդյա Ավետիսյանին, այլապես նրան դատապարտելը մեծ հարված կհասցնի ոչ միայն ազատամարտիկների, այլև ազգային բանակի հեղինակությանը: Ազատամարըիկներ խորհուրդ 21. 09. 2013 թ. |
+22 °C |
+18 °C
+30 °C
|
Tomorrow: +31 °C |