Այսօր համացանցում տեսահոլովակ տարածվեց, որտեղ մի քաղաքացի խոչընդոտում էր ակտիվիստների գործողությունները՝ անձնական վիրավորանքներ հասցնելով: Ի դեպ, նա մեքենան կայանել էր չթույլատրված հատվածում:
Քիչ առաջ հաջողվեց պարզել նրա ինքնությունը: Պարզվում է բորբոքված ու հղփացած անձնավորությունը նույն ինքը Երևանի քաղապետարանի «Երևանտրանս» ՓԲԸ տնօրեն Միսակ Համբարձումյանն է, ում համար նման հաբռգած վիճակը 2011 թվականից ապրելակերպ է: Ինչո՞ւ 2011-ից, որովհետև նախկին վարորդ Միսակը, ով ասում են սերտ կապերի մեջ է քաղաքապետ Տարոն Մարգարյանի հետ, հենց այդ տարում է նշանակվել տնօրեն: Միսակի գլխավորած ընկերությունը կարգավորում է քաղաքի ողջ տրանսպորտը, անցկացնում է մրցույթներ ու երթուղայիններից գումարներ հավաքագրում: Իսկ ինչո՞ւ է ընկեր Միսակն այդքան ջղայնացած պաշտպանում գծատերերի շահերը ու թույլ չի տալիս ակտիվիստներին, որ գազելների վրա թռուցիկներ փակցնեն, պատճառ ըպարզ է, նա քաղաքի ամենախոշոր գծատերերից մեկն է:
