Այսօր՝ ժամը 18.02-ին Արտակարգ իրավիճակների նախարարություն ահազանգ է ստացվել, որ Երևանի Սայաթ-Նովա-Աբովյան փողոցների խաչմերուկում ծառը կոտրվել և ընկել է ավտոմեքենաների վրա, ինչի հետևանքով ճանապարհը դարձել է դժվարանցանելի. անհրաժեշտ է օգնություն:
Դեպքի վայր են մեկնել հատուկ փրկարարական ջոկատի հերթապահ և ՃԿԿ ԱԻ արձագանքման խմբերը:
Պարզվել է, որ Աբովյան փողոցի թիվ 26 շենքի դիմաց ծառը կոտրվել և ընկել է ճանապարհով երթևեկող «Պաջերո» մակնիշի 31 ՕՏ 207 և «ՎԱԶ-2121» մակնիշի 01 ԼԼ 001 պետհամարանիշներով ավտոմեքենաների վրա: Տուժածներ չկան:
Փրկարարների և «Կանաչապատում» ՓԲԸ-ի աշխատակիցների համատեղ ուժերով ծառը մասնատվել և տեղափոխվել է:
Լուսանկարը- shamshyan.com-ի
Հոդվածի տեղադրող-Ս.Խաչատչյան