Ձգտել լինել միշտ գեղեցիկ ու կանացի: Կանացի գեղեցկության հասկացողությունը չկապել կանոնավոր դիմագծերի, ժամանակակից սանրվածքի ու հագուստի հետ: Մարմնի բարեկազմությունը անհնար է առանց ֆիզիկական վարժությունների, առանց սպորտով զբաղվելու: Խոնարհ լինել: Տղամարդուն չսովորեցնել, չիշխել : Քայլել գեղեցիկ. դա մշակելու ամենալավ միջոցը քայլելն է, օրական մոտ մեկ ժամ: Քայլելու շնորհիվ գործում են բոլոր մկանները, մաքրվում են թոքերը, արագանում է արյան շրջանառությունը: Ամուսնուն քիչ բողոքել, նրա ուշադրությունն անընդհատ չկենտրոնացնել իր վրա, այդպիսի կանանցից հեռանում են: Գովել ամուսնուն, վստահություն ներշնչել սեփական ուժերի նկատմամբ, սիրալիր լինել նրա հետ և հաճախակի կրկնել, որ սիրում են նրան այնպես, ինչպես չի սիրել ոչ ոք: Տղամարդը միշտ ցանկանում է, որ կինը գեղեցիկ լինելուց բացի լինի նաև ամոթխած. դրա շնորհիվ կինը տղամարդու համար կդառնա էլ ավելի սիրելի: Ժամանակ առ ժամանակ (բայց առանց չափն անցնելու) խանդելու փոքր առիթներ տալ ամուսնուն: Ձգտել դառնալ ավելի մաքրքսեր ու հավաք: Ամուսնուն չվերաբերվել հոգատար մոր պես: Ձգտել լինել ավելի կանացի, հաճախ օգնության դիմել հայելուն: Չի կարելի փորփրել ամուսնու պայուսակը, հսկել նրան, հարազատ մարդուն հսկելը անչափ վիրավորական է: Եթե սկեսուրը այնքն էլ տարեց չէ ընդունել նրան որպես ավագ քույր կամ ընկերուհի: Միշտ երեխաների մեջ հոր նկատմամբ սեր և հարգանք սերմանել: Երբեք չմրցակցել ամուսնու հետ երեխաների սերը նվաճելու հարցում:
Նմանատիպ նյութեր կարդացեք
ԿՈՎԿԱՍ.com կայքում:
