Loading...

Articles

Դատավոր Ժորային դարձրեցին գործիք

17:13, Saturday, 20 May, 2023
Դատավոր Ժորային դարձրեցին գործիք
    
Կյանքի փորձ ու Հայրենիքի առջև վաստակ չունեցող, կամակատար դատավոր Ժորային, իմ կարծիքով ընտրել էին միայն իր անվան համար. Այստեղ օրենքը դադարում է օրենք լինելուց, որովհետև վերածվել է անբարոյականության ...
    
Նպատակն այն էր, որպեսզի երիտասարդ դատավորի իր «կերպարը» հակադրեն Հայրենիքի համար զոհված երիտասարդ զինվոր Ժորայի հերոսական կերպարին:
     Դատավոր Ժորային դարձրեցին գործիք: Նա դրանով վատություն չարեց ո´չ տիկին Գայանեին, ոչ Հայրենիքի համար զոհվածների անմար հիշատակին, ոչ նրանց որդեկորույս Ծնողներին, ոչ էլ արժանապատիվ հայ մարդկանց:
Դատավոր Ժորան անարգեց նախ իրեն, իրկոլեգաներին ու մտերիմներին: Նա նսեմացրեց Հայոց պետականության դատական համակարգը: Նա ցույց տվեց, որ դատական իշխանությունը կարող է լինել նաև անբարո:
Օրենքը կացին չէ:
     Օրենքը նախ և առաջ մարդկության համակեցության նորմ է: Արդյոք կհամակերպվե՞ն արժանապատվություն ունեցող հայերն այն բանի հետ, որ Հայրենիքի համար զոհված զինվորի ծնողը կալանքի է վերցվել` առերևույթ գործած (ենթադրաբար` չգործած) «մեղքի» համար:
Վստահ եմ, որ Հայաստանի դատավորների 90%-ը չէր գնա բարոյականության տեսանկյունից այդ նսեմ քայլին:
     Որքան էլ գործի համգամանքներն արժանահավատ չլինեն` հասկանալի է, որ գործը պետք է քննվի, և դրա համար կան խափանման միջոցի տարատեսակ այլ ձևեր, բայց ո´չ կալանքը:
     Այստեղ օրենքը դադարում է օրենք լինելուց, որովհետև վերածվել է անբարոյականության:
Տեղի ունեցածում ոչ մի պատահական բան չկա: Դավաճանը չի´ ցանկանում միայնակ մնալ իր դավաճանության հետ:
Հիմա էլ նա ցանկանում է մտնել «զոհի կերպարի» մեջ.
    
    
     Արտակ Զաքարյան
Promote this post
The article published in the Spokesperson project.
Sign up and publish your articles.
Like
0
Dislike
0
861 | 0 | 0
Facebook