Աշակերտները ձևավորել էին դասասենյակը, որտեղ անցկացվեց անգլերենով հեքիաթների ընթերցանության մրցույթ:
Աշակերտներն իրենց ուսուցիչ Լիդա Բիլբուլյանի օգնությամբ ընտրել էին հեքիաթներից հատվածներ, որոնք և ներկայացրին ծնողներին, ընկերներին և ժյուրիի անդամներին:
Մրցույթի մասնակից բոլոր յոթ երեխաները դպրոցի տնօրեն Նաիրա Մանուկյանի կողմից ստացան խրախուսական վկայագրեր, իսկ Աբրահամյան Տիգրանը, Հարությունյան Ալլան և Խաչունց Բագրատը խորհրդանշական կերպով արժանացան առաջին, երկրորդ և երրորդ մրցանակներին:
Ցերեկույթի ժամանակ երեխաները կատարեցին սիրված անգլիական երգեր:
Ցերեկույթը հաջողությամբ վարեց Դավիթը, իսկ Գագիկը կատարեց հանպատրաստից նկարազարդումներ:
6-րդ դասարանի աշակերտները դեռ երկար կհիշեն այս ցերեկույթը:
