Խնդրում ենք սպասել...
Օդնոկլասնիկի

Հոդվածներ

Էրդողանը Մինսկի խմբին հրավիրել է Ղարաբաղ

Hayarpi Nersisyan
Հեղինակ`
Hayarpi Nersisyan
11:57, երեքշաբթի, 22 հունիսի, 2021 թ.
Էրդողանը Մինսկի խմբին հրավիրել է Ղարաբաղ

Թուրքիայի նախագահը տանտիրոջ պես Մինսկի խմբին հրավիրել է Ղարաբաղ

«ԵԱՀԿ Մինսկի խումբը պետք է իր աչքերով տեսնի Ադրբեջանի՝ օկուպացիայից ազատագրված տարածքները», - կառավարության նիստից հետո ժողովրդին ուղղված իր ելույթում ասել է Թուրքիայի նախագահ Ռեջեփ Թայիփ Էրդողանը:
     Նա նշել է, որ Թուրքիայի եւ Ադրբեջանի միջեւ ստորագրված Շուշիի հռչակագրով երկու երկրների միջեւ հարաբերությունների նոր փուլ է սկսվել: Ըստ նրա, շատ շուտով Թուրքիան ու Ադրբեջանը այս հռչակագրի շրջանակներում բազմաթիվ համաձայնագրեր կստորագրեն:

«Շուշիում մեր գլխավոր հյուպատոսության հնարավորինս շուտ բացումից մինչեւ մոտ ապագայում Զանգեզուրի միջանցքի գործարկումը մենք վճռականորեն եւ արագորեն կիրականացնենք մեր օրակարգի յուրաքանչյուր կետ: Բարձր մակարդակի ռազմավարական համագործակցության խորհրդի նիստում, որը մենք կանցկացնենք մեր երկրում առաջիկա ամիսներին, նախատեսում ենք ձեռնարկել բազմաթիվ կոնկրետ քայլեր՝ կապված այդ հարցերի հետ», - ասել է Էրդողանը:

Հիշեցնենք, որ Թուրքիան, որն ինքը ԵԱՀԿ Մինսկի խմբի անդամ է, եղբայրական հարաբերությունների ամրապնդման շղարշի ներքո փաստացի Ադրբեջանի գաղութացում է իրականացնում:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
285 | 0 | 0
Facebook