Խնդրում ենք սպասել...
Այսօր`  չորեքշաբթի, 08 ապրիլի, 2020 թ.

Հոդվածներ

Փոխնակ մայրը՝ «զոհի» կարգավիճակում, կամ ի՞նչու է աղմկում Հայկուհին

Արցախ Լրահոս
17:10, երկուշաբթի, 17 փետրվարի, 2020 թ.
Փոխնակ մայրը՝ «զոհի» կարգավիճակում, կամ ի՞նչու է աղմկում Հայկուհին

Ռազմիկ Աբրահամյանի շուրջ ստեղծված աղմուկը և հարուցված քրեական գործը ցնցեց ամբողջ հասարակությանը։
     Բազմաթիվ մայրեր, ովքեր երբևիցե առնչվել էին Ռազմիկ Աբրահամյանի հետ սկսեցին փնտրել իրենց զավակներին, մարդկային անձնական ողբերգությունը դարձավ հասարակության սեփականություն։
     Սակայն ինչպես միշտ լինում է գտնվեցին մարդիկ, ովքեր այլ անձանց դժբախտությունը փորձեցին դարձնել իրենց համար եկամտի աղբյուր։
     Օրերս խմբագրությունը նամակ ստացավ Ռուսաստանի դաշնությունից, քաղաքը այս պահին չենք նշի, որտեղ պատմում էր Ռազմիկ Աբրահամյանի գործով գլխավոր դերակատար Հայկուհի Խաչատրյանի մասին։
     Ըստ աղբյուրի հայտնած տեղեկատվության պարզվում է, որ Հայկուհի Խաչատրյանը պրոֆեսիոնալ «փոխնակ» մայր է և ակտիվորեն զբաղվել է այդ բիզնեսով տարիներ շարունակ։
     Սակայն մի քանի տարի առաջ, Հայկուհի Խաչատրյանի հերթական բիզնես երեխան ծննդաբերության ժամանակ մահացել է և վերջինիս երեխայի գումարը բնականաբար չեն տվել։
     Հայկուհին աղմուկ է բարձրացրել, պահանջել իր գումարը, մերժում ստանալուց հետո մեղադրել է ծննդատան գլխավոր բժշկին իր երեխային առևանգելու մեջ և հաղորդում տվել նրա դեմ։
     Սակայն իրականացված քննության ընթացքում պարզվել է իրականությունը և տեսնելով իր իսկ հարուցած գործը շուռ է գալիս իր դեմ Հայկուհին ճողոպրել է Հայաստան։
     Ըստ նամակագրի այստեղ նույնպես Հայկուհին զբաղվել է նույն բիզնեսով, բայց ինչպես պարզվում է վերջինիս երեխա արտադրող «գործարանը» այլևս նորմալ չի աշխատում և նույն ՌԴ-ի դեպքը կրկնվել է Հայաստանում։ Ընդ որում հետագա զարգացումները գրեթե նույնն են, ինչ ՌԴ ում։ Հայկուհին կրկին Ռազմիկ Աբրահամյանից պահանջել է երեխայի ամբողջ գումարը, սակայն վերջինս համաձայնվել է տալ ընդամենը մեկ միլիոն դրամ, քանի որ երեխան մահացած է ծնվել։ Սակայն Հայկուհին և իր ամուսինը ցանկացել են մի քանի անգամ ավել գումար, որը չստանալուց հետո կրկին ՌԴ սցենարով աղմուկ են բարձրացրել և հաղորդում ներկայացրել։
     Աղբյուրը նաև պնդում է, որ ինչպես ՌԴ ում, նույն կերպ էլ Հայաստանում շուտով իրականությունը կպարզվի, ավելին Հայկուհի Խաչատրյանի հետ, որպես «փոխնակ» մայր պայմանագիր կնքած անձը շուտով կհրապարակի նաև իրենց միջև կնքված պայմանագիրը, որից հետո էլ պատրաստվում է դատական հայց ներկայացնել գումարի բռնագանձման պահանջով Հայկուհուց, քանի որ պատվիրատուն վստահ է, որ երեխան մահացել է Հայկուհու կողմից պայմանագրի կետերը չկատարելու, հղիության ընթացքում ալկոհոլ չարաշահելու արդյունքում։
     Չգիտենք որքանով է ճիշտ այս տեղեկատվությունը, բայց կարծում ենք, որ հայրենի իրավապահները պետք է ուշադրություն դարձնեն Հայկուհի Խաչատրյանի և նրա ամուսնու գործունեությանը ՌԴ-ում և փաստերը հաստատվելու դեպքում դադարեցնեն մարդկային դժբախտությունները բիզնեսի վերածած «ընտանիքի» գործունեությունը։
     Արցախ լրահոս

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
6757 | 0 | 0
Facebook
COMMENT.am