Ռեֆորմիստների կուսակցության նախագահ Վահան Բաբայանն իր ֆեյսբուքյան էջում գրում է. «Սրբապիղծների շքահանդեսը բոլորիս տեսանելի տիրույթում է:
Մենք միասին ապրում ենք մի քաղաքում, որտեղ ուրախանում են մարդկային կյանքի կորուստներով, ողբերգություններով, անում են կոնսպիրալոգիական «վերլուծություններ», տարոսներ մաղթում և վայրահաչում ու հեգնում են ցավ ապրող մարդկանց: Հարցումներ անում դեռ դիակը չսառած երիտասարդի մասին:
Սա հենց երևի թե այն «նոր Հայաստանն» է, որի մասին այդքան խոսում էիք:
Մարդիկ դարձել են անհոգի, չար, բացասական տրամադրված: Ինչքան զզվելի է նայել, թե ինպես են երիտասարդ ԱԱԾ նախկին տնօրենի մահը դարձնում իրենց մանր քաղաքական «լայքերի» ու «քոմենտների» թեմա, մեղադրում, զրպարտում իրենց ուզած մարդկանց, «բացահայտումներ» անում:
Սթափվել տեսնես կստացվի, թե արդեն ուշ է»: