Խնդրում ենք սպասել...

Հոդվածներ

Կոտայքի մարզպետի շնորհավորանքը ՀՀ Սահմանադրության օրվա առթիվ

12:46, ուրբաթ, 05 հուլիսի, 2019 թ.
Կոտայքի մարզպետի շնորհավորանքը ՀՀ Սահմանադրության օրվա առթիվ

Սիրելի՛ Քաղաքացի,

Շնորհավորում եմ Հայաստանի Հանրապետության Սահմանադրության օրվա առթիվ:

1995թ.-ին ընդունելով ՀՀ Հիմնական օրենքը՝ մենք ԱՅՈ ասացինք քաղաքացիական հասարակության ձևավորմանն ու ժողովրդավարական արժեքներին:

Հենց Սահմանադրությունն է կոչված ապահովելու քաղաքացիների բարեկեցությունն ու պաշտպանելու մարդու հիմնարար իրավունքները:

Սահմանադրությունը, լինելով պետական խորհրդանիշ, անշուշտ, բոլոր ժամանակներում մեծ դերակատարություն է ունեցել մեր պետականության կայացման ու զարգացման գործընթացում:

Սակայն, ինձ համար պետականության խորհրդանիշ է նաև իրավագիտակից Քաղաքացին, որը ցանկանում է կառուցել այնպիսի Պետություն, որտեղ տիրում է օրենքի գերակայություն և իրավահավասարություն:

Ըստ Սամանադրության Հոդված 2-ի՝ Հայաստանի Հանրապետությունում իշխանությունը պատկանում է ժողովրդին:

Հիրավի՛, հենց ժողովուրդն է այն կարևոր առանցքը, որի շուրջ կառուցվում է Պետությունը:

Մարդի՛կ են այն արարող օղակները, որոնք այդքան անհրաժեշտ են այդ Պետությունն ամուր ու անառիկ պահելու համար:

Սահմանադրություն, որով պաշտպանված են Քաղաքացու իրավունքները, Պետություն, որը հոգ է տանում իր Քաղաքացու մասին և իրավագիտակից Քաղաքացի, ով պատրաստ է աջակցել Պետությանը օրենքի գերակայություն հաստատելու հարցում:

Ահա՜ բարեկեցության, սիրո ու համերաշխության իմ բանաձևը:

Եվս մեկ անգամ՝ շնորհավո՜ր ու ամենայն բարիք:
    
    
     Ռոմանոս Պետրոսյան
     ՀՀ Կոտայքի մարզպետ

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1031 | 0 | 0
Facebook
COMMENT.am