Հոդվածներ

     Բյուրեղավան համայնքի Նուռնուսի միջնակարգ դպրոցում նոյեմբերի 5-ից մեկնարկեց «Դպրոցական տաք սնունդ» ծրագիրը: 1-4-րդ տարրական դասարանների աշակերտներ՝ թվով 32 երեխա, ամեն օր օգտվում են ՄԱԿ-ի Պարենի համաշխարհային ծրագրից: Դպրոցի տնօրեն Դավիթ Կարապետյանի հավաստմամբ երեխաները սիրով գալիս են խոհանոց և ճաշակում օրվա ուտեստները: Դպրոցի խոհանոցին հատկացված տարածքը ամբողջովին վերանորոգվել է սեփական միջոցներով, ձեռք է բերվել նոր գույք և սպասք: Դպրոցն ունեցել է ջրի խնդիր, և վերջերս համայնքի ղեկավար Հակոբ Բալասյանի աջակցությամբ նոր ջրագծեր են անցկացվել և խոհանոցն այսօր ապահոված է նաև տաք ջրով: Խոհարարը դպրոցի ծնողներից է և աշխատում է կամավոր հիմունքներով:
     Դպրոցական սննդի ծրագիրը այն նախաձեռնություններից է, որն ունի ոչ միայն սոցիալական կարևորություն, այլ նաև դաստիարակչական լուրջ միջոցառում է, որը դպրոցական վաղ տարիքում ձևավորում է համակեցության շատ կարևոր կանոններ: