Հոդվածներ

Օրբելի եղբայրների տուն-թանգարանը իր ֆեյսբուքյան էջում գրում է.Ստալինյան հալածանքների շրջանում Էրմիտաժի տնօրեն Հովսեփ Օրբելուն էնկավեդեից հրաման է գալիս` մի ցուցակ ներկայացնել հիմնարկում աշխատող նախկին ազնվականների մասին։ Օրբելին վերցնում է մի թուղթ, վրան գրում միայն իր անունը և հետ ուղարկում։
     Ի դեպ, Երևանում մեր Մատենադարանի շենքի տեղը ընտրել է հենց Օրբելին։ Փառահեղ ընտրություն։ ...Ես հաճախ եմ Հայաստանի բնության ու հուշարձանների լուսանկարներ դնում, որպես հանապազ հիշեցում մեր սիրասուն հայրենիքի մասին։ Բայց մեր երկրի ամենամեծ հարստությունը ՄԱՐԴՆ է, ստեղծագործ, աշխատասեր, ազնիվ ու արդարամիտ հայ մարդը։ Ի վերջո` «Մարդ է, որ գործէ զերկիր»: