Վերջերս Արշակունյաց 12 հասցեում իր գործունեությունը մեկնարկեց «German Training Centre» լեզվի ուսուցման կենտրոնը:
Ուսումնական հաստատությունում իրականացվում են ինչպես ընդհանուր գերմաներենի դասընթացներ, այնպես էլ միջազգային քննությունների նախապատրաստական պարապմունքներ։ Կենտրոնի սկզբունքներից մեկը արտերկրում ուսանել կամ աշխատել ցանկացող ուսանողներինաջակցության ցուցաբերումն է թղթաբանության և մյուս բոլոր հարցերում։Մասնագետների խոսքով դասընթացները չեն ուղեկցվելու դասական և արդեն ներկայիս պահանջներին չհամապատասխանող ճանապարհով։ Լսարանում քննարկվելու են գրքեր, ֆիլմեր, ժամանակ առ ժամանակ կկազմակերպվեն բանավեճեր՝ վերլուծելու այսօրվա ակտուալ թեմաներն իրենց բոլոր առավելություններով և թերություններով, որոնք ուսանողներին հնարավորություն կընձեռեն գերմանախոս միջավայրում կատարելագործելու լեզվական ունակությունները։
Դասընթացի պատասխանատուները որակավորված են միջազգային ճանաչում գտած տարբեր կենտրոնների կողմից և բազմաթիվ հաջողություններ են գրանցել տվյալ բնագավառում։
