Որպեսզի ատամներն ավելի սպիտակ լինեն և առողջ տեսք ունենան, շատ կաթ օգտագործեք, այն ամրացնում է ատամների էմալը: Կիտրոնի կեղևով ևս հնարավոր է սպիտակեցնել ատամները: Ամենատարածված ժողովրդական միջոցը սոդան է: Թաթախեք ատամի խոզանակը սոդայի մեջ և մաքրեք ատամները: Դրանք անմիջապես կսպիտակեն բայց սոդայով կոպիտ տրորումից վնասված լնդերը կարող են ցավել: Բացի այդ սոդան ասես ջնջում է էմալի վերին շերտը: Եթե սոդայով մաքրենք ատամները ամսեկան 2 անգամից հաճախ, ապա ատամների էմալը կարող է բարակել: Արդյունքում ատամների զգայունությունն աճում է և ցանկացած տաք կամ սառը սնունդը կարող է ձեր կյանքը իսկական փորձության վերածել: Ձեր ատամների թշնամիներն են՝ սուրճը, ծխախոտը, գազավորված ըմպելիքը, քաղցրավենիքը, կիտրոն:
- Սուրճը քայքայիչ ազդեցություն ունի ատամների էմալի վրա: Ովքեր օրական 3 բաժակից ավելի սուրճ են խմում՝ ատամների սպիտակեցման հետ խնդիրներ են առաջ գալիս:
- «Ծխելու հետևանքը դեղին ատամներն են» . սա ատամնաբույժների չգրված կարգախոսն է, որի հետ չհամաձայնել չի կարելի:
- Կոնֆետներն ու խմորեղենը բերանի խոռոչում մանրէների համար բարենպաստ միջավայր են ստեղծում, և սկսվում է նեխումը:
- Մեր առողջության և իմունիտետի համար չափազանց կարևոր կիտրոնի հյութը կործանարար ազդեցություն ունի ատամների էմալի վրա: Դրա համար էլ կիտրոն ուտելուց հետո բերանն անպայման ողողեք:
- Գազավորված ըմպելիքներում թթուներ կան, որոնք վնասակար են ատամների էմալի համար, ինչպես նաև պարունակում են մեծ քանակությամբ շաքար, իսկ դա ոսկրափուտի պատճառներից մեկն է:
Ատամների բարեկամներն են՝ելակը, ծամոնը, կաթնշոռը և արևը: - Շատ մայրեր իրենց երեխաներին արգելում են մաստակ ծամել, իբր դրանից ստամոքսը ցավում է: Այո, դա հնարավոր է, եթե սոված փորին և ասենք երկու ժամ շարունակ ծամոն ծամես: Բայց ուտելուց հետո առանց շաքարի անանուխի ծամոնը 5 րոպե ծամելը հրաշալի փոխարինում է ատամի խոզանակին և մածուկին:
- Հենց արևի ճառագայթների ազդեցությամբ է մեր օրգանիզմում առաջանում վիտամին D-ն, որն ամրացնում է ոսկորներն ու ատամները:
- Ելակն օգտակար է ատամների համար՝ ամրացնող և սպիտակեցնող ազդեցություն ունի: Ամռանը կարելի է ատամի բնական մածուկ պատրաստել 1 ճաշի գդալ ելակի խյուսին ավելացնելով նույնչափ սերուցք կամ կաթ: Բայց հետո չմոռանաք բերանը ջրով ողողել:
Առողջ ատամներն ու սպիտակափայլ ժպիտը Ձեր ձեռքերում են:
|
