Հոդվածներ

2015 թ. մարտական պատրաստվածության ծրագրի համաձայն՝ Ադրբեջանի «Ագգյոլ» դաշտային ուսումնական կենտրոնում արագ արձագանքման ստորաբաժանումների և պետական սահմանային ծառայության ավիացիայի ուժերի մասնակցությամբ տակտիկական զորավարժություններ են սկսվել: Այս մասին հայտնում է APA-ն:

Պետական սահմանային ծառայության մամլո կենտրոնում APA-ին հայտնել են, որ զորավարժությունների ընթացքում նախատեսվում է կառավարվող և չկառավարվող հրթիռներով ուղղաթիռներից կրակոցների միջոցով մարտական առաջադրանքների կատարման մշակում, զենիթա-հրթիռային համալիրներից օդային թիրախներին հարվածում և մարտական պայմաններում զրահատեխնիկայի կիրառում:

Զորավարժությունները կտևեն մինչև մայիսի 21-ը: