Հունանյանների բազմազավակ ընտանիքին (8 անչափահաս երեխա) բազմիցս անրադարձել ենք և ներկայացրել թե ինչ պայմաններում են նրանք բնակվում: Ահա օրերս նրանք սկսեցին իրենց սեփական տանիքը կառուցելու գործընթացը, իսկ այդ ամենին օգնեցին և օգնում են մի շարք բարի մարդիկ, ովքեր հավատարիմ են և միշտ ընտանիքի կողքին են: Այսօր ևս այդ նախաձեռնող խումբը եղավ Հունանյանների ընտանիքում և կրկին անգամ նրանց տրամադրեց տան կառուցման համար անհրաժեշտ շինանյութը՝ քար, ավազ, ցեմենտ և շինարարության համար անհրաժեշտ այլ պարագաներ: Բոլոր ներկաները ունեին իրենց մեծ ներդրումը այս բարի գործի մեջ, իսկ մեր մի քանի հավատարիմ ընկերները, ովքեր միշտ աջակցում են և մեր կողքին են, չցանկացան անգամ բարձրաձայնել իրենց անունները, բայց իրենց ներդրումը կատարեցին և մեծ քանակությամբ շինանյութ տրամադրեցին ընտանիքին, ինչը թույլ կտա ավելի արագ կառուցել և վեր բարձրացնել Հունանյանների տունը: ՇՆՈՐՀԱԿԱԼՈՒԹՅՈՒՆ ԲՈԼՈՐ ԱՋԱԿԻՑՆԵՐԻՆ:
Հ. Գ.
Տեխնիկական պատճառներով նկարները այստեղ չեն հրապարակվում, այդ իսկ պատճառով նկարները կարող եք տեսնել ստորև նշված հղումով:
